عابدہ پروین صرف محبت کرنا جانتی ہیں، فضیلہ قاضی ملاقات پرخوش

کراچی (نیوزڈیسک)معروف اداکارہ فضیلہ قاضی کی گلوکارہ عابدہ پروین سے ان کی رہائش گاہ پر ملاقات ہوئی، جس کی تصاویر انہوں نے سوشل میڈیا پر شیئر کردیں۔

فوٹوز اینڈ ویڈیوز شیئرنگ ایپ انسٹاگرام پر فضیلہ قاضی نے عابدہ پروین کے ساتھ ملاقات کی کئی تصاویر و ویڈیوز شیئر کی ہیں، ایک ویڈیو میں وہ گلوکارہ کے گھٹنوں کو چھوتے اور گلے ملتی نظر آرہی ہیں۔

اپنے پیغام میں فضیلہ قاضی نے عابدہ پروین کا شکریہ ادا کرتے ہوئے کہا کہ ’میں عابدہ پروین اور ان کی فیملی کی شکر گزار ہوں، جنہوں نے اپنے گھر مدعو کرکے مجھے قیمتی لمحات گزارنے کا موقع دیا‘۔