شمالی کیرولائنا میں کشتی سوار حملہ آور کی بار پر فائرنگ، 3 افراد ہلاک

امریکی ریاست شمالی کیرولائنا میں کشتی پر سوار شخص کی کنارے پر قائم بار پر ہولناک فائرنگ میں 3 افراد ہلاک اور 8 زخمی ہو گئے۔
 ساوتھ پورٹ میں پیش آنے والی اس فائرنگ کا وقت رات 9:30 بجے کے قریب بتایا گیا ہے، جب کشتی بار کے قریب پہنچی اور کشتی پر موجود حملہ آور نے فائرنگ کی۔ تقریباً آدھے گھنٹے بعد یو ایس کوسٹ گارڈ کی ٹیم نے اوک آئلینڈ میں اسے حراست میں لے لیا۔
 حکام نے بتایا کہ گرفتار کیا گیا شخص حملہ آور کی تفصیلات سے میل کھاتا ہے اور اس سے تفتیش جاری ہے۔
 یہ واقعہ امریکا میں بارز، ریستوران، اسکولوں اور دیگر عوامی مقامات پر بڑھتے ہوئے مسلح حملوں کی ایک اور کڑی ہے۔ گن وائلنس آرکائیو کے مطابق، اس سال امریکا میں کم از کم 320 بڑے پیمانے پر فائرنگ کے واقعات رپورٹ ہو چکے ہیں۔