ویتنام میں طوفان سے کم از کم ایک درجن افراد ہلاک

ہنوئی: طوفان بوالوئی کے باعث وسطی ویتنام میں شدید بارشوں اور تیز ہواؤں نے تباہی مچائی، جس کے نتیجے میں کم از کم ایک درجن افراد ہلاک ہوگئے۔ سرکاری میڈیا کے مطابق، طوفان نے سڑکوں کو سیلاب سے بھر دیا اور مکانات کی چھتیں اڑا دیں۔

رپورٹس کے مطابق، امدادی ٹیمیں 17 لاپتہ ماہی گیروں کی تلاش میں مصروف ہیں۔ طوفان بوالوئی پیر کی صبح ملک کے شمالی وسطی ساحلی علاقوں سے ٹکرایا، جس سے قومی موسمیاتی ادارے کے مطابق آٹھ میٹر بلند لہریں پیدا ہوئیں۔

طوفان نے مقامی کمیونٹیز کو شدید نقصان پہنچایا، مکانات،سکولوں اور بجلی کے کھمبوں کو تباہ کردیا۔ اس نے عارضی پلوں کو بہا لیا اور کئی صوبوں میں سڑکوں اور نچلے علاقوں کو سیلاب میں ڈبو دیا۔ طوفان کے باعث 347,000 سے زائد افراد بجلی سے محروم ہوگئے، شہروں میں گاڑیاں پانی میں ڈوب گئیں اور کئی بلند مقامات پر واقع کمیونٹیز کا رابطہ منقطع ہوگیا۔

امدادی ٹیمیں متاثرہ علاقوں میں بحالی کے کاموں میں مصروف ہیں، جبکہ حکام نے شہریوں کو محتاط رہنے اور متاثرہ علاقوں سے دور رہنے کی ہدایت کی ہے۔