اسلام آباد ہائیکورٹ،بغیرلائسنس ڈرائیونگ پرفوری مقدمات پرپابندی عائد

اسلام آباد ہائی کورٹ کا بڑا فیصلہ ،، بغیر لائسنس ڈرائیونگ پر فوری مقدمات پر پابندی عائد،، اسلام آباد ہائی کورٹ کے چیف جسٹس سردار محمد سرفراز ڈوگر نے بغیر لائسنس گاڑی چلانے والوں کے خلاف فوری گرفتاری اور مقدمہ درج کرنے کے اقدام پر اہم ہدایات جاری کر دیں۔ عدالت نے واضح کیا کہ کسی بھی شہری کے خلاف صرف اس بنیاد پر فوری مقدمہ درج نہ کیا جائے کہ وہ موقع پر لائسنس پیش نہیں کر سکا۔ چیف جسٹس نے ریمارکس دیے کہ اگر کسی کے پاس ڈرائیونگ لائسنس موجود ہے لیکن وہ ہارڈ کاپی ساتھ نہیں رکھتا، تو وہ اس کی سافٹ کاپی دکھا سکتا ہے۔ عدالت نے ہدایت دی کہ ایسے کیسز میں پہلے شہری کو جرمانہ کیا جائے، فوری گرفتاری یا گاڑی ضبط کرنے کا اقدام مناسب نہیں۔