مختلف شہروں میں مرغی کا گوشت مہنگا ہو گیا

مختلف شہروں میں مرغی کا گوشت (Chicken)مزید مہنگا ہو گیا۔

لاہور میں زندہ برائلر مرغی کا تھوک ریٹ 354 روپے کلو ہے جبکہ پرچون ریٹ 368 روپے کلو مقرر کیا گیا ہے، مرغی کا گوشت 533 روپے کلو ہے، لاہور میں انڈے 246 روپے درجن ہیں۔

گزشتہ روز لاہور میں مرغی کا گوشت 519 روپے کلو تھا، آج فی کلو قیمت میں 14 روپے کا اضافہ ہو گیا ہے، زندہ مرغی کی فی کلو قیمت میں 10 روپے کا اضافہ ہوا ہے۔

پشاور میں ایک روز میں زندہ برائلر مرغی کی فی کلو قیمت 20 روپے بڑھ گئی ہے، سرکاری نرخ نامے میں زندہ برائلر مرغی کا ریٹ 420 روپے کلو مقرر کیا گیا ہے۔

فیصل آباد میں زندہ برائلر مرغی کا تھوک ریٹ 359 روپے فی کلو ہے جبکہ پرچون ریٹ 373 روپے کلو ہے، مرغی کا گوشت 540 روپے کلو میں فروخت ہو رہا ہے، انڈے 246 روپے فی درجن ہیں۔

مزیدپڑھیں:حب ندی میں ڈوبنے والے کراچی کے تینوں افراد کی لاشیں نکال لی گئیں

گزشتہ روز راولپنڈی میں برائلر مرغی کا گوشت 570 روپے کلو تھا جبکہ زندہ مرغی کا تھوک ریٹ 379 اور پرچون ریٹ 393 روپے کلو تھا، راولپنڈی میں آج نرخوں میں کوئی تبدیلی نہیں کی گئی ہے۔

اسلام آباد میں زندہ برائلر مرغی کا ریٹ 400 روپے کلو مقرر کیا گیا ہے جبکہ فارمی انڈوں کی قیمت 247 روپے فی درجن ہے۔