تحریک لبیک کے احتجاج سے اسلام آباد میں زندگی مفلوج، باپ بیمار بچی کو اٹھائے بھاگتا رہا، ویڈیو وائرل

تحریک لبیک پاکستان (ٹی ایل پی) کے احتجاجی مارچ کے باعث لاہور، اسلام آباد اور راولپنڈی میں حالات نہایت کشیدہ ہو گئے ہیں۔ وفاقی دارالحکومت میں امن و امان کے پیش نظر شہر کے اہم داخلی راستوں کو کنٹینرز لگا کر بند کر دیا گیا ہے، جب کہ شہریوں کو آمد و رفت میں سخت مشکلات کا سامنا ہے۔

سوشل میڈیا پلیٹ فارم ’ایکس‘ (سابق ٹوئٹر) پر ایک صارف کی جانب سے شیئر کی گئی ویڈیو نے موجودہ صورتحال کی سنگینی کو اجاگر کر دیا۔

ویڈیو میں ایک شخص کو اپنی شدید بیمار بچی کو رات کے اندھیرے میں پیدل اٹھائے اسپتال کی جانب بھاگتے ہوئے دیکھا جا سکتا ہے۔

خدا کا خوف کریں یہ اسلام آباد کی سڑکیں کھولیں، ایک باپ اپنی شدید بیمار بچی کو رات کی اس تاریکی میں پیدل اٹھائے بھاگتا ہوا ابھی ملا بچے کو ایمرجنسی اسپتال پہنچانا تھا، اس ملک پر اللہ کیلئے رحم کھا لیں، مظاہرین لاہور میں ہیں تو یہاں کیوں لوگوں کی زندگی اجیرن بنا رکھی ہے؟ pic.twitter.com/AJl8G9IyEV

— Adil Tanoli (@adiltanoli99) October 10, 2025

صارف نے ویڈیو کے ساتھ پیغام لکھا کہ ’خدا کا خوف کریں، یہ اسلام آباد کی سڑکیں کھولیں۔ ایک باپ اپنی بیمار بچی کو ایمرجنسی اسپتال لے جانے کے لیے پیدل دوڑ رہا ہے۔ مظاہرین لاہور میں ہیں، تو یہاں کیوں لوگوں کی زندگی اجیرن بنا رکھی ہے؟‘

Saad Rizvi from container is instructing TLP workers to besiege the police officials and surround them from all sides and to not let them go. This is sheer terrorist against the state and taking law in the hands. The state must crackdown ruthlessly against these morons. pic.twitter.com/vdRn7oUZx1

— Wajahat Kazmi (@KazmiWajahat) October 11, 2025

اسلام آباد اور راولپنڈی میں راستوں کی بندش کے باعث دفاتر، تعلیمی اداروں اور اسپتالوں تک رسائی بری طرح متاثر ہوئی ہے، جب کہ شہریوں نے حکومت سے فوری طور پر حالات معمول پر لانے کا مطالبہ کیا ہے۔