اتوار 10 مئی 2026 
پاکستان ایل این جی لمیٹڈ (PLL) نے ملک میں گیس کی ضروریات پوری کرنے کیلئے رواں ماہ 2 اسپاٹ ایل این جی کارگوز کی خریداری کے لئے عالمی سپلائرز سے بولیاں طلب کر لی۔
ذرائع کے مطابق پی ایل ایل کی جانب سے جاری ٹینڈر میں پہلا ایل این جی کارگو 12 سے 16 مئی جب کہ دوسرا 24 سے 28 مئی کے دوران فراہم کرنے کی درخواست کی گئی ہے۔حکام کا کہنا ہے کہ عالمی سپلائرز کے لئے بولیاں جمع کرانے کی آخری تاریخ آج 11 مئی مقرر کی گئی ہے،
جس کے بعد موصول ہونے والی پیشکشوں کا جائزہ لیا جائے گا۔پی ایل ایل نے یہ ٹینڈر ملک میں گیس کی طلب اور سپلائی میں توازن برقرار رکھنے کیلئے جاری کیا ہے تاکہ صارفین کو بلا تعطل گیس فراہمی یقینی بنائی جا سکے۔واضح رہے کہ اس سے قبل بھی دو اسپاٹ ایل این جی کارگوز کی خریداری کے لئے بولیاں طلب کی گئی تھیں، تاہم بعد ازاں انھیں منسوخ کر دیا گیا تھا۔
