امریکہ اور چین کے صدور کے درمیان اہم رابطہ۔ ٹک ٹاک ڈیل اور تجارتی تعلقات پر بات چیت

صدر ڈونلڈ ٹرمپ اور صدر شی جن پنگ نے ٹیلی فون پر گفتگو کی، جس میں ٹک ٹاک ڈیل اور تجارتی تعلقات پر بات چیت ہوئی۔ چینی سرکاری میڈیا کے مطابق دونوں رہنماؤں کے درمیان ہونے والی اس کال میں چینی ایپ ٹک ٹاک کے مستقبل اور امریکہ چین تجارتی کشیدگی کو کم کرنے پر بات ہوئی۔ یہ جنوری میں ٹرمپ کی دوبارہ وائٹ ہاؤس واپسی کے بعد دونوں رہنماؤں کے درمیان دوسرا براہِ راست رابطہ ہے۔ امریکی وزیر خزانہ اسکاٹ بیسنٹ نے تصدیق کی ہے کہ ٹک ٹاک کی ملکیت کے حوالے سے ایک فریم ورک معاہدہ طے پا گیا ہے، تاہم کئی اہم سوالات تاحال باقی ہیں۔ ادھر وال اسٹریٹ بھی اس کال پر گہری نظر رکھے ہوئے ہے۔ ماہرین کے مطابق ٹک ٹاک ڈیل پر پیش رفت سے نہ صرف اسٹاک مارکیٹ کو سہارا مل سکتا ہے بلکہ تجارتی جنگ میں نرمی کا عندیہ بھی ملے گا۔