ہفتہ 8 نومبر 2025 
اسلام آباد (نیوز ڈیسک)چیئرمین سینیٹ کی زیر صدارت ایوانِ بالا کا اجلاس ایک گھنٹہ پچاس منٹ کی تاخیر سے شروع ہوا۔ اجلاس کے آغاز میں وزیرِ قانون اعظم نذیر تارڑ نے وقفہ سوالات معطل کرنے کی تجویز دی جسے وزیرِ پارلیمانی امور نے تحریک کی صورت میں ایوان کے سامنے پیش کیا۔ ایوان نے تحریک کی منظوری دیتے ہوئے وقفہ سوالات معطل کر دیا۔
بعد ازاں وزیرِ قانون اعظم نذیر تارڑ نے 27ویں آئینی ترمیمی بل ایوان میں پیش کیا۔ چیئرمین سینیٹ نے ترمیمی بل کو مزید غور و جائزے کے لیے قائمہ کمیٹی برائے قانون و انصاف کو ریفر کر دیا۔
ذرائع کے مطابق کمیٹی مجوزہ ترمیم کے نکات پر تفصیلی بحث کے بعد اپنی سفارشات ایوان میں پیش کرے گی۔
