انتخابی ضابطہ اخلاق کی خلاف ورزی، طلال چوہدری پر جرمانہ

وزیر مملکت برائے داخلہ طلال چوہدری پر انتخابی ضابطہ اخلاق کی خلاف ورزی پر جرمانہ عائد کر دیا گیا۔

ڈسٹرکٹ مانیٹرنگ آفیسر فیصل آباد نے وفاقی وزیر پر 50 ہزار روپے کا جرمانہ کیا۔ طلال چوہدری کو دو بار خلاف ورزی پر نوٹس جاری کیے گئے تھے۔

طلال چوہدری کو 11 نومبر اور 16نومبر کو دو بار انتخابی ضابطہ اخلاق کی خلاف ورزی پر نوٹس دیا گیا، انہیں فون پر بھی ضابطہ اخلاق کی خلاف ورزی پر روکا گیا تھا۔

رپورٹس کے مطابق مزید کارروائی کے لیے معاملہ چیف الیکشن کمیشن آف پاکستان کو بھیج دیا گیا ہے۔