پیپلز پارٹی ،ن لیگ کی اتحادی نہیں، صرف ساتھ دیتے ہیں، شرجیل انعام

سندھ کےسینئروزیرشرجيل انعام ميمن کا جام صادق پل کا دورہ ،پل کی تعمیر سے متعلق حتمی تاریخ بھی بتائی،صوبائی وزیر نے نے يلو لائن بی آر ٹی منصوبے کے ترقیاتی کاموں کا بھی جائزہ لیا، انجنیئرز،کنسلٹنٹس اوردیگر حکام نے صوبائی وزیرکومنصوبے کی پیش رفت سے متعلق بریفنگ دی،میڈیا سے گفتگو کرتے ہوئے شرجیل میمن کا کہنا تھا جام صادق پل کا منصوبہ ایک ہفتے میں مکمل کر لیا جائے گا،انہوں نے کہا پیپلز  پارٹی عوام کو سہولیات دے رہی ہے ،ٹرانسپورٹ کے کئی منصوبوں پر کام جاری ہے، صوبائی وزیر کا مزید کہنا تھا ڈبل ڈیکر بسیں بھی جلد کراچی پہنچ جائیں گی،گندم کی قلت پر وفاق کو تنقید کا نشانہ بناتے ہوئے ان کا کہنا تھا پیپلز پارٹی، ن لیگ کی اتحادی نہیں ہے صرف ساتھ دیتے ہیں لیکن وفاقی حکومت کو گندم کی قلت کے حوالے سے خودکو عقل کل نہیں سمجھنا چاہیے-