دہشت گردی جیسے اہم مسئلے پر وفاقی حکومت کی سردمہری افسوسناک ہے،بیرسٹر سیف

خیبر پختونخوا حکومت کے مشیر اطلاعات بیرسٹر ڈاکٹر سیف نے کہا ہے وفاقی حکومت دہشت گردی کے خلاف جنگ کی پالیسی پر نظرِ ثانی کرے، وفاق کی جعلی حکومت کی غلط پالیسیوں کے باعث خیبر پختونخوا میں آئے روزجنازے اٹھ رہے ہیں-اپنے ویڈیو بیان میں بیرسٹرڈاکٹر سیف نے کہا ہے دہشت گردی کے خلاف جنگ میں معصوم شہری، بچے اور خواتین نشانہ بن رہے ہیں، دہشت گردی جیسے اہم مسئلے پر وفاقی حکومت کی سرد مہری افسوسناک اور قابلِ مذمت ہے، دہشت گردی کے خاتمے کیلئے افغانستان سے بات چیت ناگزیر ہے،ان کا کہنا تھا وفاق نہ خود افغانستان سے بات چیت کر رہا ہے اور نہ خیبر پختونخوا حکومت کو کرنے دے رہا ہے، وزیر اعلیٰ علی امین گنڈاپور دہشت گردی کے خاتمے اور امن و امان کے قیام کیلئےسنجیدہ اقدامات کر رہے ہیں،ان کا مزید کہنا تھا وزیر اعلیٰ ہاؤس میں قبائلی جرگوں کا انعقاد کیا گیا ہے، وفاقی حکومت کو چاہیے کہ امن و امان کے قیام میں وزیر اعلیٰ علی امین گنڈاپور کا ساتھ دے، وفاق کی نااہل حکومت اس اہم مسئلے پر بھی سیاست کر رہی ہے،بیرسٹرڈاکٹر سیف نے کہا ہے وفاقی حکومت وزیر اعلیٰ علی امین گنڈاپور کی مخلصانہ کوششوں کو سیاست کی نذرکر رہی ہے۔