جنگ جیت لی ہے، اب ہم امن جیتنے کے خواہش مند ہیں، وزیراعظم کا جنرل اسمبلی سے خطاب

وزیراعظم شہبازشریف نے کہا ہے کہ دہشت گردی دنیا کےلیےایک سنگین خطرہ بن چکی ہے۔

نیویارک میں اقوام متحدہ جنرل اسمبلی اجلاس میں قرآن پاک کی آیت کریمہ کے آغاز سے خطاب کرتے ہوئے کہنا تھا کہ سیکرٹری جنرل انتونیوگوتریس نےمشکل ترین حالات میں اقوام متحدہ کی قیادت کی۔
اُنہوں نے کہا کہ دنیا میں انسانی بحران بڑھتےجا رہے ہیں،دہشت گردی دنیا کےلیےایک سنگین خطرہ بن چکی ہے،گمراہ کن پروپیگنڈا اورجعلی خبروں نےاعتماد کومتزلزل کردیا ہے۔
وزیراعظم کا کہنا تھا کہ ماحولیاتی تبدیلی بڑا چیلنج ہے جو ہماری بقا کوخطرے میں ڈال رہی ہے، بھارت سیاسی گیم کھیل رہا ہے، دنیا بھر میں تنازعات شدت اختیار کرتے جا رہے ہیں،پہگام واقعہ کو سیاسی طور پر استعمال کیا گیا۔
شہبازشریف نے کہا کہ فیلڈ مارشل کی قیادت میں حالیہ جنگ میں پاکستان نے اپنا دشمنوں کی جارحیت کا بھر پور جواب دیا، پاکستان نے بھارت کے 7 طیارے گراے، بھارت یہ جواب ہمیشہ یاد رکھے گا۔
اُن کا کہنا تھا کہ بھارت نے جنگ کے دوران شہری آبادی کو نشانہ بنایا ، بھارت نے انسانی اور سیاسی المیہ سے فائدہ اٹھایا اور سرحدوں سالمیت اور قومی سلامتی کی خلاف ورزی کی۔

انہوں نے کہاکہ  غرور میں مبتلا دشمن (انڈیا) کو ذلت کا سامنا کرنا پڑا۔ ہم نے جنگ جیت لی ہے، اب ہم امن جیتنے کے خواہش مند ہیں۔
وزیراعظم نے کہا کہ ہم تنازعات کا پرامن حل چاہتے ہیں ، ڈونلڈ ٹرمپ اگر مداخلت نہ کرتے تو ہم مکمل جنگ جیت چکے تھے، امریکی صدر کو جنگیں رکوانے پر نوبیل پرائز دیا جانا چاہیے۔
شہبازشریف نے کہا کہ بھارت کی جانب سے سندھ طاس معاہدے کی خلاف ورزی جنگ تصور ہوگی ، 24 کروڑ پاکستانیوں کے لیے پانی لائف لائن ہے
اُن کا کہنا تھا کہ جتنی جلدی ہو سکے غزہ میں جنگ بندی کرائی جائے، غزہ میں جو کچھ ہو رہا ہے وہ عالمی اداروں کو ناکامی ہے ، پاکستان فلسطین کو 1988 میں بطور ریاست تسلیم کرچکا ، دوسرے ممالک سے بھی مطالبہ کرتا ہوں کہ فلسطین کو بطور ریاست تسلیم کرنے کا اعلان کریں۔
وزیراعظم کا کہنا تھا کہ پاکستان کو سرحد پار سے دہشت گردی کا سامنا ہے ، کالعدم ٹی ٹی پی ، مجید گروپ ، بی ایل اے سمیت دیگر شرپسند عناصر پاکستان میں تحزیب کاری کی کارروائیوں میں ملوث ہیں ، بھارت اِس کی سرپرستی کررہا ہے ۔ کہنا چاہتا ہوں کہ پاکستان پرامن افغانستان کا خواہاں ہے۔
شہباز شریف نے حالیہ دنوں میں اسرائیلی حملوں کے خلاف قطر کی بھر پور حمایت کا اعلان کیااور کہا کہ کشمیر میں بھی اقوام متحدہ کی قرار دادوں کے مطابق کشمریوں کو حق خود ارادیت دیا جائے۔