اتوار 28 ستمبر 2025 
بھارت نے ایشیا کپ فائنل میں نے پاکستان کو پانچ وکٹوں سے ہرادیا۔
ایشیا کپ کے فائنل میں پاکستان نے پہلے کھیلتے ہوئے بھارت کو جیت کیلئے 147 رنز کا ہدف دیا ۔پاکستان کی پوری ٹیم انیس اعشاریہ ایک اوورز میں 146 رنز بنا کر آئوٹ ہوگئی ،3بیٹرز صفر پر آؤٹ ہوئے، 2کھلاڑیوں نے ایک ایک رن بنایا۔
ایک موقع پر پاکستان کے 112 رنز پر ایک کھلاڑی آئوٹ تھا لیکن آخری 9 وکٹیں 33 رنز کا اضافہ کرسکیں ،پہلے آئوٹ ہونے والے کھلاڑی صاحبزادہ فرحان تھے ، انہوں نے 38 گیندوں پر 57 رنز کی شاندار اننگزکھیلی جس میں 3 چھکے ، 5 چوکے شامل تھے۔
صائم ایوب نے 14 رنز بنائے ، انہوں نے 11 گیندوں کا سامنا کیا۔محمد حارث کھاتہ کھولے بغیر پویلین لوٹ گئے۔فخر زمان آئوٹ ہونے والے چوتھے کھلاڑی تھے ، انہوں نے 35 گیندوں پر 46 رنز بنائے ، ان کی اننگز میں 2 چھکے اور 2 چوکے شامل تھے۔حسین طلعت صرف ایک رنز بنا کر آئوٹ ہوئے۔
کپتان سلمان آغا 7 گیندوں پر 8 رنز بنا سکے۔ساتویں آئوٹ ہونے والے کھلاڑی شاہین آفریدی تھے وہ بھی بغیر رنز بنائے پویلین لوٹے۔فہیم اشرف بھی صفر پر آئوٹ ہوئے۔حارث رئوف 4 گیندوں پر 6 رنز بنا پائے۔محمد نواز آخری آئوٹ ہونے والے کھلاڑی تھے ،انہوں نے 9 گیندوں پر 6 رنز کی اننگز کھیلی۔
بھارت کی جانب سے کلدیپ یادیو نے 4 وکٹیں حاصل کیں،جسپریت بمرا ، ورون چکراوردی اور اکشر پٹیل کے حصے میں 2،2وکٹیں آئیں۔
صاحبزادہ فرحان نے ففٹی بنانے پر پچھلے میچ کی طرح گن سیلیبریشن منانے کی کوشش کی لیکن عین موقع پر رک گئے ، اور صرف بلا فضا میں لہرانے پر اکتفا کیا،واضح رہے انہیں پچھلے میچ میں گن سیلیبریشن منانے پر آئی سی سی کی جانب سے وارننگ دی گئی تھی۔
بھارتی بیٹنگ کے دوران شبھمن گل کی وکٹ پر شاہین شاہ آفریدی نے بھی جارحانہ سیلیبریشن کی ، وہ جہاز کا سٹائل بنا کر حارث رئوف کی جانب بھاگے۔
بھارت نے مقررہ ہدف پانچ وکٹوں کے نقصان پر 20ویں اوورمیں حاصل کرلیا ۔
147 رنز ہدف کے تعاقب میں بھارت کی بیٹنگ جاری ہے،بھارت نے 18اوورز میں 130 رنز بنا لئے ہیں جبکہ اسکے 4کھلاڑی آؤٹ ہوچکے ہیں،تلک ورما اوردوبے کریز پر موجود ہیں۔
بھارت کی پہلی وکٹ 7رنز پر گری،ابھیشیک شرما 5رنز بنا کر فہیم اشرف کی گیند پر کیچ آؤٹ ہوئے،بھارت کی 10کے اسکور پر دوسری وکٹ گری،سوریا کمار ایک رن بنا کر شاہین کی گیند پر کیچ آؤٹ ہوئے۔
بھارت کی 20رنز پر تیسری وکٹ گری، فہیم اشرف کی گیند پر شبھمن گل کیچ آئوٹ ہوئے ، انہوں نے 12 رنز بنائے۔ابرار کی گیند پر سیمسن 24رنز بنا کر کیچ آؤٹ ہوئے۔
دبئی کرکٹ اسٹیڈیم کی چند لائٹس بند ہو گئیں جس کے باعث پاک بھارت فائنل میچ روکا گیا۔ بعدازاں آن فیلڈ امپائرز نے میچ دوبارہ شروع کرا دیا۔
اس سے پہلے
ایشیا کپ فائنل میں بھارت نے ٹاس جیت کر فیلڈنگ کرنے کا فیصلہ کیا ہے۔فائنل میچ میں بھی ٹاس کے موقع پر بھارتی کپتان نے پاکستانی کپتان سے مصافحہ نہیں کیا۔آئی سی سی کی جانب سے کے میچ کیلئے اینڈی پائی کرافٹ کی جگہ رچی رچرڈسن کو مقرر کیا گیا تھا۔
ایشیا کپ کی ٹرافی کے ساتھ فوٹو شوٹ ،سوریا کمار یادیو ، سلمان آغا کیساتھ کھڑے نہ ہوئے
کپتان بھارتی ٹیم سوریا کماریادیو کا ٹاس جیتنے کےبعد کہنا تھا کہ ہم آج ہدف حاصل کرنا چاہیں گے، اس لئے پہلے فیلڈنگ کررہےہیں،پچھلے 6میچوں میں اچھی کرکٹ کھیل رہے ہیں، اسی کو جاری رکھیں گے،پچ دیکھنے میں اچھی لگ رہی ہے،ٹیم میں3 تبدیلیاں کی گئی ہیں،ہاردک پانڈیا انجری کے باعث آج کا میچ نہیں کھیلیں گے۔
