پاکپتن، ڈسٹرکٹ جیل میں 62 سالہ اَنڈر ٹرائل قیدی جاں بحق

پاکپتن (نیوزڈیسک)ڈسٹرکٹ جیل میں قید 62 سالہ اَنڈر ٹرائل قیدی دورانِ حراست انتقال کر گیا۔

جیل ذرائع کے مطابق مرحوم قیدی امین، ملتان کا رہائشی تھا اور بوگس چیک کے مقدمے میں گرفتار ہو کر ڈسٹرکٹ جیل پاکپتن میں قید تھا۔ دورانِ قید اچانک دل کی تکلیف کے باعث اس کی طبیعت بگڑ گئی، جس پر اسے فوری طور پر طبی امداد کے لیے اسپتال منتقل کیا گیا تاہم وہ جانبر نہ ہو سکا۔

پولیس اور جیل حکام کے مطابق واقعہ طبعی موت کا ہے جبکہ ضروری قانونی کارروائی مکمل کی جا رہی ہے۔