پاکستان اور ازبکستان کا آئندہ پانچ سالوں میں دوطرفہ تجارت کو دو ارب ڈالر تک بڑھانے پر اتفاق

پاکستان اور ازبکستان نے آئندہ پانچ سالوں میں دوطرفہ تجارت کو دو ارب ڈالر تک بڑھانے پر اتفاق کیا ہے۔

اس سلسلے میں دونوں ممالک کے درمیان دوطرفہ تجارت اور اقتصادی تعاون کو بڑھانے کے پروٹوکول پر آج شام اسلام آباد میں وزیراعظم شہباز شریف اور ازبکستان کے صدر شوکت مرزیوف نے دستخط کئے۔

پروٹوکول کے تحت دونوں فریق باہمی مشاورت کے ذریعے دوطرفہ تجارت اور اقتصادی تعاون کو بڑھانے کیلئے شعبوں کی نشاندہی کے حوالے سے ایکشن پلان بنانے کیلئے مشترکہ ورکنگ گروپ تشکیل دیں گے۔