جمعرات 12 فروری 2026 
معروف امریکی اداکار جیمز وان ڈیر بیک 48 سال کی عمر میں چل بسے۔
جیمز وان ڈیر بیک کے آفیشل انسٹاگرام اکاؤنٹ پر ان کے اہل خانہ نے خود یہ خبر مداحوں کو دی ہے۔
اہل خانہ کی جانب سے شیئر کی گئی پوسٹ میں لکھا ہے کہ جیمز ڈیوڈ وان ڈیر بیک آج صبح چل بسے۔
پوسٹ میں مزید لکھا ہے کہ اداکار نے اپنی زندگی کے آخری ایام ہمت اور وقار کے ساتھ گزارے۔
پوسٹ میں مداحوں سے اس مشکل گھڑی میں ڈیوڈ وان ڈیر بیک کے خاندان کی پرائیویسی کا خیال رکھنے کی اپیل بھی کی گئی ہے۔
امریکی میڈیا کی رپورٹ کے مطابق اداکار آنتوں کے کینسر کا شکار تھے اور اس بیماری کی تشخیص 2023ء کے آخر میں ہوئی تھی۔
