اتوار 15 فروری 2026 
واشنگٹن (ویب ڈیسک) امریکی صدر ڈونلڈ ٹرمپ نے کہا ہے کہ وہ جمعرات کو باضابطہ اعلان کریں گے کہ بورڈ آف پیس کے رکن ممالک غزہ میں تعمیر نو اور انسانی امداد کیلیے پانچ ارب ڈالر کی رقم دینے کا وعدہ کر چکے ہیں۔
اپنے سوشل میڈیا پلیٹ فارم ٹروتھ سوشل پر جاری بیان میں صدر ٹرمپ نے لکھا کہ رکن ممالک نے اقوامِ متحدہ کی منظوری سے قائم کی جانے والے اسٹیبلائزیشن فورس اور مقامی پولیس کے لیے ہزاروں اہلکار فراہم کرنے کا بھی عزم کیا ہے۔پولینڈ نے ٹرمپ کے غزہ بورڈ آف پیس میں شمولیت سے انکار کر دیا۔صدر ٹرمپ کے مطابق جمعرات کو ہونے والا اجلاس اس گروپ کا پہلا باضابطہ اجلاس ہو گا جو ڈونلڈ ٹرمپ انسٹی ٹیوٹ آف پیس میں منعقد ہو گا، اجلاس میں 20 سے زائد ممالک کے وفود شرکت کریں گے۔
خیال رہے کہ ترجمان دفتر خارجہ کا کہنا ہے کہ وزیر اعظم شہباز شریف بورڈ آف پیس کے اجلاس میں شریک ہوں گے ، وزیر خارجہ اسحاق ڈار بھی وزیراعظم کے ہمراہ ہوں گے۔
