وزیر اعظم کا جسٹس خلیل الرحمن خان کے انتقال پر اظہارِ افسوس

لندن (نیوز ڈیسک)وزیر اعظم نے سابق جج سپریم کورٹ پاکستان اور سابق چیف جسٹس لاہور ہائی کورٹ جسٹس خلیل الرحمن خان کے انتقال پر گہرے دکھ اور افسوس کا اظہار کیا ہے۔

وزیر اعظم نے اپنے تعزیتی پیغام میں کہا کہ جسٹس خلیل الرحمن خان کا شمار ملک کے سینئر، باوقار اور تجربہ کار ججوں میں ہوتا تھا، جنہوں نے اپنی پوری زندگی عدل و انصاف کے فروغ کے لیے وقف کر رکھی تھی۔ وہ ایک فرض شناس اور اصول پسند جج تھے، جنہوں نے ہمیشہ قانون کی بالادستی اور انصاف کی سربلندی کو مقدم رکھا۔

وزیر اعظم نے مرحوم کے اہل خانہ سے دلی ہمدردی اور تعزیت کا اظہار کرتے ہوئے کہا کہ دکھ کی اس گھڑی میں پوری قوم ان کے غم میں برابر کی شریک ہے۔ انہوں نے کہا کہ جسٹس خلیل الرحمن خان کی عدالتی خدمات کو ہمیشہ یاد رکھا جائے گا۔

وزیر اعظم نے دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو یہ صدمہ برداشت کرنے کی توفیق دے۔