بدھ 18 مارچ 2026 
اسلام آباد(مانیٹرنگ ڈیسک)سوشل میڈیا پر ایک دلچسپ ویڈیو وائرل ہوئی ہے جس میں ایک جدید ہیومینوئیڈ روبوٹ انسانوں کے ساتھ ٹینس کھیلتا دکھائی دیتا ہے۔
یہ روبوٹ بغیر تھکے ملی سیکنڈز میں ردعمل دیتا ہے، جس کا مقابلہ کرنا آسان نہیں ہوتا، ویڈیو میں روبوٹ طاقتور سرو کو بھی واپس کرتا نظر آتا ہے۔
یہ ویڈیو ہیومینوئیڈ روبوٹ بنانے والی کمپنی گال بوٹ نے شیئر کی اور لکھا، ’آپ کا ہیومینوئیڈ ٹینس پلیئر حاضر ہے۔‘ کمپنی نے روبوٹ کو LATENT کے نام سے متعارف کرایا ہے۔
ان کے مطابق یہ دنیا کا پہلا روبوٹ ہے جو حقیقی وقت میں پورے جسم کے ساتھ ٹینس کھیلنے کی صلاحیت رکھتا ہے۔
کمپنی نے وضاحت کی کہ یہ روبوٹ طویل اور تیز رفتار ریلیز کھیل سکتا ہے، گیند کو درستی سے مار سکتا ہے اور قدرتی جسمانی حرکت کے ساتھ کھیلتا ہے۔ یہ محض میکانیکی نقل سے آگے بڑھ کر ذہانت پر مبنی فیصلہ سازی کے ساتھ کھیلنے کی صلاحیت ہے۔
عوامی ردعمل
سوشل میڈیا صارفین نے ویڈیو پر حیرت کا اظہار کیا۔ ایک نے لکھا، ’یہ روبوٹ گیند واپس کر سکتا ہے، اب دیکھنا ہے کہ یہ کسی پروفیشنل کھلاڑی کے خلاف کیسا کھیلتا ہے۔‘ کمپنی نے جواب دیا کہ وہ اس میچ کی ویڈیو بھی بنائیں گے۔
ایک اور صارف نے کہا، ’اگر یہ ابھی لابز واپس کر سکتا ہے تو چند ماہ میں زیادہ تر انسانوں سے بہتر ہو جائے گا۔‘ کچھ نے اسے شطرنج کی طرح مستقبل میں انسانوں پر سبقت حاصل کرنے والی ٹیکنالوجی قرار دیا۔
دوسرے صارفین نے کہا کہ یہ تربیت اور سیکھنے کے لیے بہترین ہے، جیسے پہلے ’کمبرک‘ ٹینس بال مشین استعمال ہوتی تھی۔
