وزیراعظم شہبازشریف کی تھائی لینڈ کے ہم منصب کو دوبارہ تقرری پر مبارکباد

وزیراعظم شہباز شریف نے تھائی لینڈ کے وزیراعظم انوتین چارن ویراکُل کو دوبارہ عہدہ سنبھالنے پر مبارکباد دی ہے۔

وزیراعظم شہباز شریف نے اپنے پیغام میں انوتین چارن ویراکُل کو دوبارہ وزیراعظم بننے پر دلی مبارکباد پیش کی،کہا یقین ہے کہ انکی قیادت میں تھائی لینڈ ترقی اور خوشحالی کی راہ پر گامزن رہے گا۔

پاکستان اور تھائی لینڈ کے درمیان دوستانہ تعلقات کے مزید استحکام کے لیے مل کر کام کرنے کے منتظر ہیں۔دونوں ممالک کے درمیان تعاون اور شراکت داری کو مزید فروغ دیا جائے گا۔

وزیراعظم شہباز شریف نے تھائی قیادت کے لیے نیک خواہشات کا اظہار کرتے ہوئے کہا کہ پاکستان اور تھائی لینڈ کے درمیان دوطرفہ تعلقات کو مزید مضبوط بنایا جائے گا۔