تہران کی تاریخی یونیورسٹی پر بمباری، عالمی سطح پر تشویش کی لہر

ایران کے دارالحکومت تہران میں واقع معروف تعلیمی ادارے تہران سائنس اینڈ ٹیکنالوجی یونیورسٹی پر مبینہ بمباری کی خبر نے عالمی سطح پر تشویش پیدا کر دی ہے۔
رپورٹس کے مطابق 97 سال پرانی اس یونیورسٹی پر حملے کے نتیجے میں تعلیمی سرگرمیاں شدید متاثر ہوئیں، اور طلبہ و عملے میں خوف و پریشانی پیدا ہو گئی۔
واقعے کے بعد اوورسیز کمیونٹی سمیت مختلف عالمی حلقوں نے گہرے دکھ اور افسوس کا اظہار کیا ہے۔ اوورسیز کمیونٹی نے کہا کہ بین الاقوامی قوانین کے تحت تعلیمی اداروں کو نشانہ بنانا ناقابلِ قبول ہے کیونکہ جامعات کو ہمیشہ محفوظ زون تصور کیا جاتا ہے۔
بیان میں مزید کہا گیا کہ تعلیمی اداروں پر ایسے حملے ایک خطرناک رجحان کی نشاندہی کرتے ہیں، جو نہ صرف تعلیم بلکہ عالمی امن کے لیے بھی سنگین خطرہ بن سکتا ہے۔