ایران جنگ کے بھارتی معیشت پر اثرات، غیر ملکی سرمایہ کار اربوں ڈالر نکالنے پر مجبور

عالمی خبر رساں ادارے کی رپورٹ کے مطابق غیر ملکی سرمایہ کار بھارت کی بانڈز اور اسٹاک مارکیٹ سے ریکارڈ رفتار سے اپنا سرمایہ واپس نکال رہے ہیں۔
رپورٹ میں بتایا گیا ہے کہ ایران سے متعلق کشیدگی کے آغاز کے بعد سے اب تک سرمایہ کار بھارت سے مجموعی طور پر 12.14 ارب ڈالر واپس لے چکے ہیں۔
عالمی منڈی میں تیل کی قیمتوں میں اضافے کی وجہ سے مہنگائی میں مزید اضافہ ہونے کا خدشہ ہے، جس سے بھارت میں عوامی زندگی پر اضافی دباؤ پڑ رہا ہے۔
مزید برآں، جنگ شروع ہونے کے بعد سے بھارتی روپیہ تقریباً 4.2 فیصد کمزور ہو چکا ہے، جس کا اثر ملکی معیشت اور سرمایہ کاری کے ماحول پر بھی محسوس کیا جا رہا ہے۔