مشرق وسطیٰ میں کشیدگی کے بعد گوادر پورٹ کی اہمیت میں اضافہ

وفاقی وزیر برائے بحری امور محمد جنید انوار نے کہا ہے کہ مشرق وسطیٰ میں بڑھتی ہوئی کشیدگی کی وجہ سے روایتی شپنگ روٹس متاثر ہوئے ہیں، جس کے نتیجے میں گوادر پورٹ کی اہمیت میں نمایاں اضافہ ہوا ہے۔
گوادر پورٹ پر نئے جہاز ایم وی ایچ ایم او لیڈر کی کامیاب برتھنگ کی تقریب سے خطاب کرتے ہوئے وفاقی وزیر نے بتایا کہ جہاز نے 35 یونٹس ٹرانس شپمنٹ کارگو کو ہینڈل کیا ہے۔
وزیر نے کہا کہ گوادر بندرگاہ اب علاقائی کشیدگی کے دوران محفوظ بحری مرکز کے طور پر ابھر رہی ہے اور عالمی شپنگ لائنز اسے محفوظ متبادل کے طور پر استعمال کرنے لگی ہیں۔
انہوں نے مزید کہا کہ گوادر پورٹ پر ٹرانس شپمنٹ کارگو کے لیے مفت اسٹوریج سہولت بھی فراہم کی جا رہی ہے، جس سے تجارتی آپریشنز مزید مؤثر اور محفوظ بنائے جا سکتے ہیں۔