ہفتہ 4 اپریل 2026 
خیبر میں پاک افغان شاہراہ نیکی خیل کے مقام پر گاڑی سیلابی ریلے میں بہہ گئی۔
ریسکیو ذرائع کے مطابق گاڑی میں سوار 3 افراد کی لاشیں نکال لی گئیں جبکہ چوتھے شخص کی تلاش جاری ہے۔
رات بھر موسلا دھار بارش کے باعث برساتی نالوں میں طغیانی ہے۔
دوسری جانب ڈیرہ اسماعیل خان میں تیز بارش کے باعث یوسف اڈہ میں شو روم کی چھت گر گئی۔
شو روم کی چھت گرنے سے متعدد گاڑیوں کو نقصان پہنچا جبکہ سولر پینل بھی ٹوٹ گیا۔
