سیلینا جیٹلی کا اعتراف: مشکل وقت میں خود سے ہار ماننے کے قریب تھی

بالی ووڈ اداکارہ سیلینا جیٹلی نے اپنی زندگی کے مشکل ترین دور کے بارے میں کھل کر بات کرتے ہوئے کہا ہے کہ وہ کئی بار تنہائی میں روئیں اور ایک وقت ایسا بھی آیا جب وہ خود سے ہار ماننے کے قریب پہنچ گئی تھیں۔
44 سالہ اداکارہ، جو آخری بار 2011 میں فلم Thank You میں نظر آئی تھیں، نے انکشاف کیا کہ طلاق، قانونی تنازعات اور خاندانی مسائل نے انہیں شدید ذہنی اور جذباتی دباؤ میں رکھا۔
انہوں نے اپنے شوہر پیٹر ہیگ پر گھریلو تشدد اور ذہنی اذیت کے الزامات عائد کرتے ہوئے بتایا کہ یہ وقت ان کے لیے بے حد کٹھن تھا۔ ساتھ ہی انہوں نے اپنے بھائی وکرانت جیٹلی کے یو اے ای میں زیر حراست ہونے کا بھی ذکر کیا، جس نے ان کی مشکلات میں مزید اضافہ کیا۔
سیلینا جیٹلی نے کہا کہ اس مشکل وقت میں انہوں نے خود کو سنبھالا، آہستہ آہستہ اپنی زندگی کو دوبارہ ترتیب دیا اور مضبوطی کے ساتھ آگے بڑھیں۔ ان کے مطابق آج وہ ایک باہمت اور خود انحصاری پر مبنی زندگی گزار رہی ہیں۔
انہوں نے سوشل میڈیا کے ذریعے پیغام دیا کہ مشکل حالات میں خود پر توجہ دینا ضروری ہے، دوسروں کے پیچھے بھاگنے کے بجائے اپنی اندرونی طاقت کو پہچاننا ہی اصل کامیابی ہے۔