آسٹریلوی ٹیم رواں ماہ پاکستان کا دورہ کرے گی،شیڈول جاری

پاکستان کرکٹ بورڈ(PCB) نے آسٹریلیا کے خلاف تین ایک روزہ بین الاقوامی میچوں کی سیریز کا مکمل شیڈول جاری کر دیا ہے، جس کے تحت آسٹریلوی ٹیم رواں ماہ پاکستان کا دورہ کرے گی۔
پی سی بی کے مطابق آسٹریلیا کی ٹیم 23 مئی کو اسلام آباد پہنچے گی جہاں سے دونوں ٹیمیں سیریز کی تیاریوں کا آغاز کریں گی۔
سیریز کا افتتاحی میچ 30 مئی کو راولپنڈی کرکٹ اسٹیڈیم میں کھیلا جائے گا، جبکہ باقی دو مقابلے لاہور کے قذافی اسٹیڈیم میں 2 اور 4 جون کو منعقد ہوں گے۔

Pakistan to host Australia for three-match ODI series

Details here ➡️ https://t.co/bPD0LgRkAF#PAKvAUS pic.twitter.com/aAsGK4xxCS

— PCB Media (@TheRealPCBMedia) May 7, 2026

اعلان کردہ شیڈول کے تحت تمام میچز ڈے اینڈ نائٹ ہوں گے۔ میچز کا آغاز شام ساڑھے چار بجے ہوگا جبکہ ٹاس شام چار بجے کیا جائے گا۔

مزیدپڑھیں:معرکۂ حق کا پہلا سال مکمل ہونے پر پاک افواج کا اہم پیغام
کرکٹ شائقین اس بڑی سیریز کے منتظر ہیں کیونکہ عالمی شہرت یافتہ آسٹریلوی ٹیم کی پاکستان آمد سے ملک میں ایک بار پھر بین الاقوامی کرکٹ کا جوش و خروش عروج پر پہنچنے کی توقع ہے۔