افغان طالبان اوربھارت کا گٹھ جوڑ ، پاکستان کا منہ توڑ جواب

افغان طالبان رجیم اور بھارتی میڈیا کا پاکستان مخالف پروپیگنڈا گٹھ جوڑ ایک بار پھر بے نقاب ہو گیا ہے۔ حالیہ دنوں میں بھارتی میڈیا نے افغان طالبان کے بیانات کو بنیاد بنا کر پاکستان مخالف جھوٹا پروپیگنڈا پھیلایا۔ 15 اکتوبر کو افغان طالبان کے ترجمان ذبیح اللہ مجاہد نے سوشل میڈیا پر جھوٹا دعویٰ کیا کہ انہوں نے پاکستانی ٹینک قبضے میں لیا ہے-تاہم، فیکٹ چیک پلیٹ فارم گروک نے ثابت کیا کہ یہ روسی ساختہ ٹینک پہلے ہی طالبان کے قبضے میں تھا اور پاکستان سے اس کا کوئی تعلق نہیں تھا -اسی طرح، ذبیح اللہ کے ایک اور جھوٹے دعوے میں کہا گیا کہ پاکستان کی جانب موجود دوستی گیٹ کو طالبان نے تباہ کر دیا ، جسے بھارتی میڈیا نے خوب اچھالا،درحقیقت افغان طالبان نے افغانستان کی طرف موجود گیٹ کو ہی آئی ای ڈی سے اڑایا، جبکہ پاکستانی سمت میں موجود گیٹ بالکل محفوظ اور اپنی اصلی حالت میں موجود ہے-ایک اور جھوٹ اس وقت بے نقاب ہوا جب کابل دھماکے کو بھارتی اور افغان میڈیا نے آئل ٹینکر کے پھٹنے سے منسوب کیا، جبکہ یہ دھماکہ پاک فوج کی پریسیژن اسٹرائیکس کا نتیجہ تھا-بھارتی میڈیا نے شمالی وزیرستان کے عام شہری عادل داوڑ کو بھی جھوٹے طور پر پاک فوج کا شہید قرار دے دیا، جس پر عادل داوڑ نے خود ویڈیو پیغام کے ذریعے بھارتی دعوؤں کو بے نقاب کیا-ان جھوٹے دعوؤں کی ایک طویل فہرست یہ ظاہر کرتی ہے کہ بھارت اور افغان طالبان اس وقت پاکستان کے خلاف منظم پروپیگنڈا مہم چلا رہے ہیں-افغان طالبان رجیم اور بھارت کا پرپیگنڈا گٹھ جوڑ بے نقاب -نام نہاد امارات اسلامی کے علم بردار افغان طالبان بدقسمتی سے بھارت کے ہاتھوں میں کھیلنے لگے-بھارت اپنے مفاد کیلئے فتنہ الخوارج اور افغان طالبان کو استعمال کرنے لگا-بھارتی میڈیا پاکستان مخالف افغان جارحیت کے حوالے سے پروپگینڈا خبریں پیش کر رہا ہے-