اتوار 12 جولائی 2026 
دنیا کے امیر ترین کاروباری شخصیت اور اسپیس ایکس کے سربراہ ایلون مسک نے دعویٰ کیا ہے کہ اگر ان کی کمپنی اپنے طویل المدتی اہداف حاصل کرنے میں کامیاب ہو گئی تو اسپیس ایکس کی مالیت پوری زمین کی مجموعی مالیت سے بھی زیادہ ہو سکتی ہے۔
ایلون مسک نے سوشل میڈیا پلیٹ فارم ایکس پر ایک صارف کے تبصرے کے جواب میں کہا “آپ یہ نہیں سمجھ رہے کہ اگر ہم اپنے مقاصد حاصل کر لیتے ہیں تو اسپیس ایکس کی مالیت باقی پوری زمین سے زیادہ ہوگی۔”
ان کا کہنا تھا کہ اسپیس ایکس کا بنیادی مقصد انسانوں کو زمین سے باہر مستقل آبادیاں قائم کرنے کے قابل بنانا ہے، جبکہ اس مقصد کے لیے کمپنی کا اسٹار شپ پروگرام مرکزی کردار ادا کرے گا، جسے مستقبل میں چاند اور مریخ تک انسانی مشنز کے لیے استعمال کرنے کا منصوبہ ہے۔
مزید پڑھیں:سابق امیر قطر کا انتقال، پاکستان کا 1 روزہ قومی سوگ کا اعلان، پرچم سرنگوں رہے گا
ماہرین کے مطابق ایلون مسک کے اس بیان نے مالیاتی اور ٹیکنالوجی حلقوں میں نئی بحث چھیڑ دی ہے۔ بعض تجزیہ کاروں کا کہنا ہے کہ اگر خلائی معیشت مستقبل میں تیزی سے ترقی کرتی ہے تو اسپیس ایکس دنیا کی طاقتور ترین کمپنیوں میں شامل ہو سکتی ہے۔
