داسن شاناکا کی دھواں دار بیٹنگ، سی پی ایل کی تاریخ کی تیز ترین سنچری بنا ڈالی

سری لنکن آل راؤنڈر داسن شاناکا نے کیریبین پریمیئر لیگ (CPL) میں شاندار بیٹنگ کا مظاہرہ کرتے ہوئے ٹورنامنٹ کی تاریخ کی تیز ترین سنچری اسکور کر دی۔

سینٹ کٹس اینڈ نیوس پیٹریاٹس کی نمائندگی کرنے والے شاناکا نے سینٹ لوشیا کنگز کے خلاف صرف 39 گیندوں پر سنچری مکمل کی۔

Dasun Shanaka smashed a 💯 off 39 balls – the fastest ever in the CPL – en route to 121* off 43 balls for St Kitts & Nevis Patriots against St Lucia Kings 💥 pic.twitter.com/j9HltSAj8F

— Cricinfo (@cricinfo) September 4, 2026

وہ 43 گیندوں پر 121 رنز بنا کر ناقابل شکست رہے، ان کی اننگز میں 8 چوکے اور 12 چھکے شامل تھے جبکہ اسٹرائیک ریٹ 281 سے زائد رہا۔

شاناکا نویں اوور میں جانسن چارلس کے آؤٹ ہونے کے بعد کریز پر آئے، اس وقت پیٹریاٹس کا اسکور 89 رنز تھا۔

Sensational from Shanaka! 👏

To ball-striking from Dasun Shanaka takes him to fifty! 🇰🇳x 🇱🇨#CPL26 #SKNPvSLK #CricketPlayedLouder #BiggestPartyInSport #OmegaXL pic.twitter.com/3PXiRC9F7a

— CPL T20 (@CPL) September 4, 2026

انہوں نے آتے ہی جارحانہ انداز اپنایا اور آخری 10 اوورز میں رنز کی رفتار کو کئی گنا بڑھا دیا۔ ان کی طوفانی اننگز کی بدولت پیٹریاٹس نے 20 اوورز میں 235 رنز بنائے۔

RECORD BREAKER 🤩
Amazing scenes at Warner Park as Dasun Shanaka smashes the CPL record with a 39 ball 💯 😱🇱🇰#CPL26 #SKNPvSLK #DasunShanaka #CricketPlayedLouder #BiggestPartyInSport pic.twitter.com/w881tdoRrm

— CPL T20 (@CPL) September 4, 2026

جواب میں سینٹ لوشیا کنگز کی پوری ٹیم صرف 98 رنز پر ڈھیر ہوگئی اور پیٹریاٹس نے 137 رنز سے بڑی کامیابی حاصل کی۔

مزیدپڑھیں:او جی ڈی سی ایل کی بوبی آئل فیلڈ میں بڑی کامیابی، گیس کا بڑا ذخیرہ دریافت

واضح رہے کہ سی پی ایل میں اس سے قبل تیز ترین سنچری کا ریکارڈ ویسٹ انڈیز کے آندرے رسل کے پاس تھا جنہوں نے 40 گیندوں پر سنچری اسکور کی تھی۔

نیوزی لینڈ کے ٹم سائیفرٹ اور ویسٹ انڈیز کے شمرون ہٹمایئر بھی 40، 40 گیندوں پر سنچری بناکر مشترکہ ریکارڈ ہولڈر تھے۔