میکسیکو، مذہبی تقریب میں آتشبازی کا سامان پھٹنے سے 10 افراد ہلاک، 60 زخمی

میکسیکو میں دیہی میلے کے دوران آتش بازی کا سامان پھٹنے سے کم از کم 10 افراد ہلاک اور 60 زخمی ہو گئے۔

غیرملکی خبر ایجنسی کےمطابق آتش بازی کا واقعہ ہفتے کے روز ریاست میکسیکو کی میونسپیلٹی تیمسکال سینگو میں مذہبی تقریب کے دوران پیش آیا۔

سوشل میڈیا پر وائرل ویڈیو میں دیکھا جاسکتا ہے کہ کچھ افراد بھوسے سے بنے بیل کا مجسمہ اٹھائے ہوئے ہیں، جس سے آتش بازی کے فوارے نکل رہے ہیں۔

مزید پڑھیں:عالمی منڈی میں خام تیل کی قیمتوں میں 0.54 فیصد اضافہ ہوگیا

واقعے کے نتیجے میں کم از کم 10 افراد جان کی بازی ہار گئے جبکہ 60 افراد زخمی ہوئے، جنہیں طبی امداد کے لیے اسپتال منتقل کردیا گیا۔