وزیراعظم کاصنعتی اورزرعی شعبے کی ترقی کیلئے روشن معیشت بجلی پیکج کااعلان

وزیرِ اعظم محمد شہباز شریف نے صنعتی اور زرعی شعبے کی ترقی کے لیے روشن معیشت بجلی پیکیج کا اعلان کرتے ہوئے کہا ہے کہ آئندہ تین سال کے دوران صنعتوں اور کسانوں کو رعایتی قیمت پر اضافی بجلی فراہم کی جائے گی۔وزیرِ اعظم نے بتایا کہ صنعتی شعبے کو فی یونٹ 34 روپے اور زرعی شعبے کو 38 روپے پر ملنے والی بجلی کی قیمت میں خاطر خواہ کمی کی جائے گی اور اضافی یونٹس 22 روپے 98 پیسے فی یونٹ کی رعایتی قیمت پر دیے جائیں گے۔انہوں نے واضح کیا کہ روشن معیشت بجلی پیکیج کے تحت فراہم کی جانے والی بجلی کا بوجھ نہ گھریلو صارفین اٹھائیں گے اور نہ ہی کوئی دیگر شعبہ۔ وزیرِ اعظم نے وزیرِ بجلی سردار اویس لغاری اور ان کی ٹیم کی اس پیکیج کی تیاری میں کاوشوں کو لائق تحسین قرار دیا۔