پیر 12 اکتوبر 2026 
ریاض: ریاض کے کنگ خالد انٹرنیشنل ایئرپورٹ پر یمنی حوثیوں کی جانب سے حملے میں ایک پاکستانی جاں بحق جبکہ 11 افراد زخمی ہوگئے۔
سعودی عرب کی جنرل اتھارٹی آف سول ایوی ایشن نے کہا ہے کہ ریاض انٹرنیشنل ایئرپورٹ پر ہونے والے پروجیکٹائل حملے کے نتیجے میں ایک پاکستانی شہری جاں بحق ہو گیا ہے۔
سول ایوی ایشن اتھارٹی کی جانب سے جاری کردہ اعلامیے کے مطابق اس حملے کے نتیجے میں مزید 11 افراد زخمی بھی ہوئے ہیں جنہیں فوری طور پر ضروری طبی امداد کی فراہمی کے لیے ہسپتال منتقل کر دیا گیا ہے۔
بیان میں مزید بتایا گیا ہے کہ حملے سے ایئرپورٹ کو مادی نقصان بھی پہنچا ہے جس کا جائزہ اور تخمینہ لگانے کا کام فی الوقت جاری ہے، ترجمان نے کہا حوثی باغیوں کی طرف سے فائر کئے گئے ایک میزائل کو فضا میں ہی ناکارہ بنادیا گیا ہے۔
مزید پڑھیں:جبوتی ، کشتی الٹنے سے 139 افراد ہلاک، 84 لاپتہ افراد کی تلاش جاری ہے، رپورٹ
خیال رہے کہ ہفتے کے روز بھی ریاض کے ایئرپورٹ پر حوثیوں کے حملے میں 13 افراد جاں بحق جبکہ 300 سے زائد زخمی ہوگئے تھے۔
