لوگ میری کارکردگی سے قطع نظر تنقید کرتے رہتے ہیں: شاداب خان

لاہور: قومی ٹیم کے آل راؤنڈر شاداب خان(Shadab Khan) نے خود پر ہونے والی تنقید پر اپنے ردِعمل کا اظہار کیا ہے۔

میڈیا سے گفتگو میں آل راؤنڈر شاداب خان کا کہنا تھا کہ مجھے اب تنقید کا نشانہ بننے کی عادت ہو گئی ہے کیونکہ لوگ میری کارکردگی سے قطع نظر تنقید کرتے رہتے ہیں۔

شاداب نے کہا کہ گزشتہ کچھ عرصے کے دوران میری کارکردگی اچھی نہیں رہی جس کی وجہ سے ناصرف مجھے بلکہ ٹیم مینجمنٹ کو بھی تنقید کا سامنا رہا۔

پاکستانی آل راؤنڈر کا کہنا تھا کہ ایک پیشہ ور کھلاڑی کی حیثیت سے میں ہمیشہ اپنی بہترین کارکردگی پیش کرنے کی کوشش کرتا ہوں، لیکن میں ماضی میں اپنی توقعات کے مطابق کھیلنے میں کامیابی نہ مل سکی۔

A Shadab Khan special 🤩 pic.twitter.com/8FOQeUkYPd

— Cricinfo (@cricinfo) October 25, 2026

انہوں نے کہا کہ اللّٰہ تعالیٰ نے اس میچ میں مجھے اچھا کھیلنے کا موقع دیا اور میرے لیے کامیابی کا راستہ بنایا۔

مزیدپڑھیں:جین زی نے ایک اور طاقتور حکومت کا تختہ پلٹ دیا

شاداب نے حارث رؤف کی صبر کے ساتھ بیٹنگ کرنے پر ان کی تعریف کی اور 89 رنز کی شراکت قائم کرنے کے بارے میں کہا کہ ہم دونوں کے درمیان بیٹنگ کے حوالے سے کوئی خاص حکمتِ عملی طے نہیں ہوئی تھی، ہم صرف کھیل سے لطف اندوز ہونے اور میچ کو اختتام تک لے جانے کی کوششوں میں مصروف تھے۔