ایم پی اے اسما عباسی پارلیمانی سیکرٹری برائےمحکمہ صحت و آبادی تعینات،نوٹیفکیشن جاری

لاہور (نامہ نگار)  حکومتِ پنجاب نے صوبے کے مختلف محکموں کے لیے پانچ نئے پارلیمانی سیکرٹریز تعینات کر دیے ہیں۔ اس سلسلے میں محکمہ قانون و پارلیمانی امور پنجاب کی جانب سے نوٹیفکیشن جاری کیا گیا ہے۔

نوٹیفکیشن کے مطابق وزیرِ اعلیٰ پنجاب نے تیمور علی خان ایم پی اے پی پی-79 سرگودھا کو محکمہ خزانہ، عرفت اقبال ایم پی اے پی پی-44 سیالکوٹ کو محکمہ سیاحت، نوید اشرف ایم پی اے پی پی-50 سیالکوٹ کو خواندگی و غیر رسمی بنیادی تعلیم، جعفر علی ہوچا ایم پی اے پی پی-102 فیصل آباد کو محکمہ سماجی بہبود و بیت المال، اور عاصمہ ناز ایم پی اے ڈبلیو-326 کو محکمہ صحت و آبادی کا پارلیمانی سیکرٹری تعینات کیا ہے۔

نوٹیفکیشن میں واضح کیا گیا ہے کہ یہ تقرریاں فوری طور پر مؤثر العمل ہوں گی۔ دستاویز پر سیکرٹری قانون و پارلیمانی امور محمد آصف بلال لودھی کے دستخط موجود ہیں۔