جمعہ 19 ستمبر 2025 
لاہور: انسداد دہشتگردی عدالت نے 9 مئی جلاؤ گھیراؤ کے مقدمات میں بانی پی ٹی آئی کی ہمشیرہ علیمہ خان، عظمیٰ خان اور رہنما اعظم سواتی کی عبوری ضمانتوں میں 31 اکتوبر تک توسیع کر دی۔
انسداد دہشتگردی عدالت لاہور میں جلاؤ گھیراؤ کے چھ مقدمات کی سماعت جج ارشد جاوید نے کی۔ عدالت میں علیمہ خان اور عظمیٰ خان کی حاضری معافی کی درخواستیں دائر کی گئیں جبکہ اعظم خان سواتی ذاتی طور پر عدالت میں پیش ہوئے اور حاضری مکمل کروائی۔
پی ٹی آئی رہنما حافظ فرحت عباس بھی عدالت میں پیش ہوئے۔ عدالت نے آئندہ سماعت پر مزید دلائل طلب کرتے ہوئے کیس کی کارروائی ملتوی کر دی۔
