کراچی میں آج موسم خشک رہنے کا امکان

شہرِ قائد میں آج موسم خشک رہنے کا امکان ہے۔

محکمۂ موسمیات کے مطابق آج کراچی میں کم سے کم درجۂ حرارت 15 اعشاریہ 5 ڈگری سینٹی گریڈ ریکارڈ کیا گیا ہے۔

کراچی میں آج زیادہ سے زیادہ درجۂ حرارت 29 سے 31 ڈگری سینٹی گریڈ رہنے کا امکان ہے۔

محکمۂ موسمیات کا کہنا ہے کہ شہر میں ہوا اس وقت رکی ہوئی ہے، صبح کے اوقات میں ہوا میں نمی کا تناسب 95 فیصد رہا۔

دوسری جانب بلوچستان کے ساحلی اضلاع میں مطلع جزوی ابرآلود رہنے کا امکان ہے۔

محکمۂ موسمیات نے کہا کہ بلوچستان کے شمالی اضلاع میں موسم سرد اور خشک ہے، چمن، کوئٹہ، پشین اور مسلم باغ میں ہلکی بارش کا بھی امکان ہے۔