منگل 5 مئی 2026 
وفاق کی جانب سے امتیازی سلوک روا رکھے جانے پر خیبر پختونخوا حکومت (Kpk Government)نے قلم چھوڑ ہڑتال کا اعلان کر دیا۔
وزیراعلیٰ خیبر پختونخوا سہیل آفریدی کا کہنا تھا کہ خیبر پختونخوا میں پاکستان کے سب سے مقبول لیڈر عمران خان کی حکومت ہونے کے باعث وفاق کی جانب سے صوبے کے ساتھ امتیازی سلوک روا رکھا جا رہا ہے۔
سہیل آفریدی نے الزام لگایا کہ وفاق کی جانب سے این ایف سی ایوارڈ، بجلی اور گیس میں صوبے کے ساتھ دانستہ امتیازی سلوک روا رکھا جا رہا ہے، 6 مئی کو صوبے بھر میں قلم چھوڑ ہڑتال کی جائے گی جبکہ ایمرجنسی سروسز مستثنا ہوں گی۔
انہوں نے کہا کہ عمران خان اور بشریٰ بی بی کو ذاتی معالجین کی نگرانی میں علاج کی سہولت فراہم نہیں کی جا رہی، عمران خان کو اہلِ خانہ اور وکلا سے ملاقات کی اجازت نہ دینا غیر انسانی اور غیر قانونی ہے۔
مزیدپڑھیں:سونے کی قیمت میں گرواٹ کا سلسلہ جاری، فی تولہ کتنے کا ہوگیا؟
وزیر اعلیٰ سہیل آفریدی نے آئین اور قانون کی پاسداری کرنے والے وکلا سے ہڑتال میں شرکت کی اپیل کر دی۔
