قوم معرکۂ حق میں افواجِ پاکستان کے ساتھ سیسہ پلائی دیوار بنی رہی،امیر مقام

انجینئر امیر مقام نے معرکۂ حق کی کامیابی کا ایک سال مکمل ہونے پر اپنے خصوصی پیغام میں Pakistan Armed Forces کی بہادری، پیشہ ورانہ مہارت اور قربانیوں کو زبردست خراجِ تحسین پیش کیا ہے۔

انہوں نے کہا کہ معرکۂ حق میں پاک افواج نے بھارتی جارحیت کا مؤثر اور بھرپور جواب دے کر دشمن کے غرور کو خاک میں ملا دیا۔ ان کے مطابق Pakistan Air Force نے جدید جنگی حکمتِ عملی کے ذریعے تاریخی فضائی معرکے میں دشمن کے طیاروں اور دفاعی نظام کو ناکام بنایا۔

وفاقی وزیر نے کہا کہ معرکۂ حق پاکستان کی قومی و دفاعی تاریخ کا ایک روشن باب ہے، جس میں پوری قوم وزیراعظم شہباز شریف اور سید عاصم منیر کی قیادت میں افواجِ پاکستان کے شانہ بشانہ کھڑی رہی۔

انہوں نے شہداء کی قربانیوں کو قوم کے لیے باعثِ فخر قرار دیتے ہوئے کہا کہ حکومت شہداء کے خاندانوں کی عزت، فلاح و بہبود اور ہر ممکن معاونت کے لیے پُرعزم ہے۔

مزید پڑھیں:ایچ ای سی کی ڈبل اور جوائنٹ ڈگری نظام متعارف کروانے کی منظوری

انجینئر امیر مقام نے دعا کی کہ اللہ تعالیٰ پاکستان کو امن، استحکام اور ترقی عطا فرمائے۔