بدھ 20 مئی 2026 
ترکیہ اور شام کی سرحدی پٹی میں زلزلے(Earthquake) کے جھٹکے محسوس کیے گئے ہیں جنہوں نے مقامی آبادی کو خوفزدہ کر دیا۔ عرب میڈیا رپورٹس کے مطابق زلزلے کی شدت ریکٹر اسکیل پر 5.6 ریکارڈ کی گئی، جبکہ اس کے اثرات سرحدی علاقوں سمیت آس پاس کے متعدد شہروں میں بھی محسوس ہوئے۔
زلزلے کے بعد شہری گھروں اور عمارتوں سے باہر نکل آئے اور مختلف علاقوں میں خوف و ہراس کی صورتحال دیکھنے میں آئی۔ اگرچہ جھٹکے نسبتاً درمیانے درجے کے تھے، تاہم ان کی شدت نے لوگوں میں تشویش پیدا کر دی۔
ابتدائی اطلاعات کے مطابق اس زلزلے کے نتیجے میں کسی جانی یا مالی نقصان کی تصدیق نہیں ہو سکی۔ امدادی ادارے اور مقامی انتظامیہ صورتحال کا جائزہ لے رہے ہیں تاکہ کسی بھی ممکنہ نقصان کی بروقت نشاندہی کی جا سکے۔
یاد رہے کہ ترکیہ اور شام کا یہ خطہ زلزلہ خیز علاقوں میں شمار ہوتا ہے اور ماضی میں بھی یہاں شدید زلزلے آ چکے ہیں جنہوں نے بڑے پیمانے پر تباہی اور جانی نقصان پہنچایا تھا۔
