منگل 16 جون 2026 
بھارتی ٹیلی ویژن انڈسٹری سے تعلق رکھنے والی 22 سالہ نوجوان اداکارہ ’سنچیتا اوگلے ‘(Sanchita Ugale)اپنے آبائی گاؤں میں واقع گھر میں مردہ پائی گئیں جبکہ ابتدائی اطلاعات کے مطابق واقعہ خودکشی کا بتایا جا رہا ہے۔
پولیس حکام کے مطابق واقعہ گزشتہ شام پیش آیا، سنچیتا اوگلے اپنے کمرے میں موجود تھیں اور انہوں نے مبینہ طور پر اندر سے دروازہ بند کر رکھا تھا۔
ابتدائی تحقیقات میں یہ بات سامنے آئی ہے کہ اداکارہ نے ساڑھی کی مدد سے پنکھے سے لٹک کر اپنی جان لی۔ اہلِ خانہ اور مقامی افراد نے انہیں فوری طور پر اسپتال منتقل کیا، تاہم ڈاکٹروں نے معائنے کے بعد ان کی موت کی تصدیق کر دی۔
واقعے کی اطلاع ملتے ہی پولیس موقع پر پہنچ گئی اور ضروری قانونی کارروائی مکمل کرنے کے بعد لاش کو پوسٹ مارٹم کے لیے بھجوا دیا گیا۔ اداکارہ کے والد کی درخواست پر پولیس نے پراسرار موت کا مقدمہ درج کرلیا ہے اور مختلف پہلوؤں سے تحقیقات جاری ہیں۔
مزیدپڑھیں:ڈی پی او حافظ آباد کوعہدے سے ہٹا کر پنجاب سیف سٹیز اتھارٹی میں تعینات کر دیا گیا
پولیس کا کہنا ہے کہ تاحال واقعے کی حتمی وجہ سامنے نہیں آسکی اور تفتیشی ٹیم تمام ممکنہ پہلوؤں کا جائزہ لے رہی ہے تاکہ اصل حقائق تک پہنچا جا سکے۔
سنچیتا اوگلے بھارتی ٹیلی ویژن کی ابھرتی ہوئی اداکاراؤں میں شمار کی جاتی تھیں۔
