منگل 25 اگست 2026 
بھارتی ریاست مدھیہ پردیش کے شہر گوالیار میں ایک شخص کی گاڑی(car) اس وقت سوشل میڈیا پر توجہ کا مرکز بن گئی جب اس کی پوری بیرونی سطح پر لپ اسٹک سے بنائے گئے تقریباً 3 ہزار 400 بوسوں کے نشان نظر آئے۔
میڈیا رپورٹس کے مطابق گاڑی کے مالک آدتیہ سکاروار کی گرل فرینڈ نے ایک غیر ملکی سوشل میڈیا ٹرینڈ سے متاثر ہوکر گاڑی کو منفرد انداز میں سجانے کا فیصلہ کیا۔ گاڑی پر ایک ایک کرکے ہزاروں بوسوں کے نشانات بنائے گئے، جس میں تقریباً چار گھنٹے لگے۔
A car covered in around 3,400 lipstick kiss marks turned heads on the streets of Gwalior in Madhya Pradesh. But the quirky makeover soon landed its owner in trouble.
After pictures of the vehicle went viral on social media, traffic police tracked it down and issued a Rs 5,500… pic.twitter.com/XpfF0vgQkd
— IndiaToday (@IndiaToday) August 25, 2026
گاڑی کی تصاویر سوشل میڈیا پر وائرل ہونے کے بعد ٹریفک پولیس نے تصاویر میں موجود رجسٹریشن نمبر کی مدد سے گاڑی کا سراغ لگایا اور اسے تحویل میں لے لیا۔
پولیس نے گاڑی کے مالک کو طلب کرکے پوچھ گچھ کی اور ٹریفک قوانین کی خلاف ورزی پر 5 ہزار 500 بھارتی روپے کا چالان کردیا۔
مزیدپڑھیں:پاکستان کی پنک سالٹ کی برآمدات 3 کروڑ 60 لاکھ ڈالر تک پہنچ گئیں
پولیس کارروائی کے بعد آدتیہ سکاروار نے اپنی غلطی تسلیم کرلی جس کے بعد گاڑی پر موجود تمام لپ اسٹک کے نشانات صاف کرکے اسے دھو دیا گیا۔
