اب حالات بدل چکے ہیں، سندھ میں ڈاکوؤں کا خاتمہ، امن و امان کی صورتحال میں مسلسل بہتری آ رہی ہےٍ، آئی جی غلام نبی میمن

شکارپور: آئی جی سندھ غلام نبی میمن نے شکارپور میں میڈیا بریفنگ کے دوران کہا کہ اب حالات مکمل طور پر بدل چکے ہیں۔ تقریباً 40 سال تک سندھ کے مختلف علاقوں میں ڈاکوؤں کی وارداتیں عام تھیں لیکن سندھ پولیس، رینجرز اور فوج کی مشترکہ کاوشوں سے امن و امان کی صورتحال میں مسلسل بہتری آ رہی ہے۔

آئی جی سندھ نے بتایا کہ پولیس، رینجرز اور فوج کی کارروائیوں سے سندھ کے بیشتر علاقے ڈاکو کلچر سے مکمل طور پر پاک ہو گئے ہیں۔ لوگ قیام امن کے لیے پولیس اور دیگر اداروں سے بھرپور تعاون کر رہے ہیں۔

شکارپور، کشمور، جیکب آباد، سکھر** میں امن بحالی کا عمل آخری مراحل میں ہے۔ کچے کے جزائر اور مشکل جغرافیائی صورتحال نے مجرموں کو چھپنے کے مواقع دیے تھے۔ جدید ٹیکنالوجی اور ہتھیاروں کی کمی کی وجہ سے نوگو ایریاز قائم رہے، لیکن اب یہ مسائل حل ہو چکے ہیں۔ ایک سال میں مجرمانہ کارروائیوں میں 171 ڈاکو ہلاک،421 زخمی حالت میں گرفتارہوئے۔

آئی جی غلام نبی میمن نے کہا کہ “سندھ پولیس کی انتھک کاوشوں سے امن و امان کی صورتحال میں نمایاں بہتری آئی ہے۔ ڈاکوؤں کے خلاف آپریشنز نے جرائم کی لہر کو روک دیا ہے اور عوام کا اعتماد بحال ہو گیا ہے۔”

انہوں نے مزید کہا کہ “اب حالات بدل چکے ہیں۔ سندھ ایک محفوظ صوبہ بن چکا ہے جہاں عوام بلا خوف و خزاں اپنی زندگیاں گزار سکتے ہیں۔”

یہ اعلان سندھ کے عوام کے لیے خوشخبری ہے جو کئی دہائیوں سے ڈاکوؤں کے دہشت سے تنگ تھے۔