جمعہ 11 ستمبر 2026 
پاکستانی پولٹری فارمز ’سپر بگز‘ کا گڑھ بننے لگے، برطانوی اخبار فنانشل ٹائمز کی رپورٹ میں خبردار کر دیا گیا۔
برطانوی اخبار فنانشل ٹائمز کی رپورٹ کے مطابق پاکستان میں پولٹری فارمزمیں اینٹی بایوٹکس کے زیادہ استعمال سے ایسے خطرناک جراثیم پھیلنے کا خدشہ ہے جن پر عام اینٹی بایوٹکس کا اثرکم یا ختم ہوجاتا ہے۔
2023 میں دیہی پنجاب میں کیے گئے سروے کے مطابق 60 فیصد پولٹری فارمز میں بغیر نسخے کے اینٹی بایوٹکس استعمال کی گئیں اور تقریباً نصف فارمز میں مرغیوں کی افزائش کیلئے بھی یہ ادویات استعمال کی گئیں۔
بعض کمپنیاں قوانین کے برخلاف مرغیوں کی خوراک میں بھی اینٹی بایوٹکس شامل کرتی ہیں۔
مزید پڑھیں:جے ڈی وینس ایرانی جنگی حکمت عملی اور کامیابی پر انتہائی تشویش کاشکار
برطانوی اخبار فنانشل ٹائمز کی رپورٹ میں خبردار کیا گیا ہے کہ اینٹی بایوٹکس کے بے دریغ استعمال سے مزاحم جراثیم کے زندہ رہنے اور افزائش کے امکانات بڑھ جاتے ہیں۔
