جمعہ 16 اکتوبر 2026 
پاکستان کی سینئر اداکارہ سیمی راحیل نے آج کل خواتین کے ساتھ پیش آنے والے واقعات کی مذمت کی ہے۔
حالیہ انٹرویو میں سینئر اداکارہ نے کہا کہ ‘فی الحال پاکستان خواتین کے رہنے کے لحاظ سے اچھا ملک نہیں ہے، ہمارے زمانے میں میں ٹی شرٹ اور جینز پہن کر تین گھنٹے کی چہل قدمی کرکے سردیوں میں گھر جایا کرتی تھی۔
سیمی راحیل کا کہنا تھا کہ ‘سیٹیاں اس وقت بھی پڑتی تھیں لیکن کسی کی مجال نہیں تھی کہ کوئی ہاتھ تک لگائے، اگر کوئی انارکلی بازار میں ہاتھ لگا بھی لیتا تھا تو لوگ اسے پکڑ لیتے تھے’۔
مزید پڑھیں:26 نومبر احتجاج: علیمہ خان کیس کامحفوظ فیصلہ چوتھی مرتبہ مؤخر
اداکارہ نے مزید کہا ‘یہ واقعات اس وقت روز نہیں ہورہے ہوتے تھے اور یہ سب نہیں ہورہا ہوتا تھا جو اب ہورہا ہے، اُس وقت تھوڑا ڈر تھا، شاید تھوڑی شرم بھی تھی اور غیرت تھی لیکن آج کل ایسا کچھ نہیں ہے’۔
