منگل 20 اکتوبر 2026 
ایپل(Apple) نے پیر کو اعلان کیا کہ وہ 28 اکتوبر کو لاس اینجلس میں پرو اینڈ ٹیل کے عنوان سے ایک تقریب منعقد کرے گا۔ آئی فون بنانے والی کمپنی کی جانب سے مصنوعات متعارف کرانے کی یہ تازہ ترین تقریب ہوگی، جس کے ذریعے وہ اپنی ہارڈویئر مصنوعات اور مصنوعی ذہانت کی سہولتوں کا دائرہ وسیع کر رہی ہے۔
بلومبرگ نیوز کے مطابق، توقع ہے کہ اس تقریب میں ایپل اپنا پہلا ٹچ اسکرین میک بک پرو متعارف کرائے گا، جو میک کمپیوٹرز کی مصنوعات میں ایک طویل عرصے سے متوقع تبدیلی ہوگی۔
تقریب سے متعلق چند تفصیلات درج ذیل ہیں:
یہ تقریب ستمبر میں ایپل کی جانب سے فولڈ ہونے والا آئی فون ڈیو متعارف کرانے اور گزشتہ ہفتے اسمارٹ ہوم ہب ہوم ویو سمیت سری سے چلنے والے دیگر گھریلو آلات پیش کرنے کے بعد منعقد ہوگی۔
مزید پڑھیں:پنجاب حکومت نے کیمروں والی عینک، پین، گھڑیوں سمیت دیگر آلات پر پابندی لگادی
تجزیہ کاروں کے مطابق، یہ تقریب چیف ایگزیکٹو جان ٹرنَس کی جانب سے مصنوعات کی تیاری کے عمل کو تیز کرنے اور کمپنی کے تنظیمی ڈھانچے کو آسان بنانے کی کوششوں کے دوران ہورہی ہے۔
ایپل عموماً ہر سال جون میں سافٹ ویئر پر مرکوز ڈویلپرز کانفرنس منعقد کرتا ہے، جبکہ موسم خزاں میں آئی فونز اور صارفین کے لیے دیگر آلات متعارف کرانے کی تقریبات بھی اکثر منعقد کی جاتی ہیں۔
