جمعرات 22 اکتوبر 2026 
شیخوپورہ(sheikhupura) میں گھر میں کام کرنے والی کمسن ملازمہ اہلخانہ کے مبینہ تشدد سے ہلاک ہوگئی۔
پولیس کے مطابق یہ واقعہ شیخوپورہ کے علاقے اولکھ پارک میں پیش آیا جہاں لیڈی ہیلتھ ورکر، اس کے شوہر اور 20 سال کے بیٹے نے مل کر گھرمیں کام کرنے والی 12سال کی زینب کو ڈنڈوں سے وحشیانہ تشدد کرکے مارڈالا۔
پولیس نے بروقت کارروائی کرتے ہوئے لیڈی ہیلتھ ورکر کے شوہر کو گرفتار کرلیا جب کہ خاتون اور اس کے بیٹے کو پکڑنے کیلئے کوششیں جاری ہیں۔
مزید پڑھیں:حج وعمرہ زائرین کیلئے لازمی ویکسینیشن کی مدت میں توسیع
مقتولہ زینب کی والدہ کے مطابق 12 سالہ بچی صرف 4 ہزار مہینہ پر فرخندہ بی بی کے ہاں کل وقتی ملازم تھی۔
کم عمر بچی کی موت پر اہل خانہ کی جانب سے وزیراعلیٰ پنجاب مریم نواز سے انصاف کی اپیل کی گئی ہے۔
