ہفتہ 31 اکتوبر 2026 
تھانہ حالی روڈ کی حدود میں دو گروپوں کے درمیان جھگڑے کے دوران فائرنگ(Firing) سے ایک خاتون جاں بحق اور ایک شخص زخمی ہوگیا۔
پولیس کے مطابق فائرنگ کے واقعے میں جاں بحق ہونے والی خاتون کی شناخت 55 سالہ نجمہ میرانی کے نام سے ہوئی ہے، زخمی شخص کو طبی امداد کیلئے سول ہسپتال منتقل کر دیا گیا۔
ایس ایس پی شاہزیب چاچڑ کے مطابق واقعے میں ملوث ملزمان کو گرفتار کر لیا گیا ہے اور ان کے قبضے سے اسلحہ بھی برآمد ہوا ہے۔
مزیدپڑھیں:ایران امریکا کیساتھ جنگ کے خاتمے کیلئے مذاکرات کی میز پر آئے: جرمن وزیر خارجہ
پولیس حکام کا کہنا ہے کہ دونوں برادریوں کے درمیان کئی سال سے تنازع چلا آ رہا تھا، جس کے دوران پیش آنے والے جھگڑے نے فائرنگ کی صورت اختیار کر لی، واقعے کی مزید تحقیقات جاری ہیں۔
