Advertisement

شعبہ توانائی، پاک سعودیہ 30 ارب ڈالر بڑی سرمایہ کاری کے ایم او یو پر دستخط

Calender Icon بدھ 18 نومبر 2026

پاکستان اور سعودی عرب کی کمپنی کے درمیان گیس پائپ لائن کے 30 ارب ڈالر تک کے ایم او یو پر دستخط ہوگئے۔

ایس آئی ایف سی کے اعلامیےکے مطابق ایم او یو پر دستخط کی تقریب ایس آئی ایف سی کی سرپرستی میں منعقد ہوئی۔ تقریب میں ایس آئی ایف سی، پیٹرولیم ڈویژن، انٹر اسٹیٹ گیس سسٹمز اور ڈیلٹا انرجی کی اعلیٰ قیادت نے شرکت کی۔

اعلامیےکے مطابق ترکمانستان سے پاکستان کے راستے گوادر تک گیس پائپ لائن کی فزیبلٹی کا مشترکہ جائزہ لیا جائےگا۔

اعلامیے کے مطابق 25 سے 30 ارب ڈالر کی سرمایہ کاری کے مجوزہ منصوبے میں ترکمانستان سے گیس پائپ لائن گوادر تک لائی جائےگی۔ یہ گیس پائپ لائن افغانستان کے راستے چمن کے قریب پاکستان میں داخل ہوگی۔

مزید پڑھیں:بجلی صارفین پر 29 ارب 80 کروڑ روپے کا اضافی بوجھ پڑنے کا امکان

منصوبےکے تحت گواردر میں ایل این جی ٹرمینل قائم کرنےکی منصوبہ بندی بھی شامل ہے، ایل این جی ٹرمینل کے بعدکے مرحلے میں اسے دیگر مقامات تک توسیع دی جائےگی۔