منگل 23 ستمبر 2025 
پاکستان اور جنوبی افریقہ کے تیسرے ون ڈے میچ میں قومی ٹیم کی اسپنر نشرہ سندھو نے شاندار کارکردگی دکھاتے ہوئے 6 وکٹیں حاصل کرکے کئی ریکارڈز اپنے نام کر لیے، مین آف دی میچ کا ایوارڈ جیتنے کے بعد 6 کا اشارہ بھی کیا۔
نشرہ نے اپنے کیریئر کے 75 ویں ون ڈے میں صرف 9 اوورز میں 26 رنز دے کر 6 کھلاڑی آؤٹ کیے، جو ان کے کیریئر کی بہترین بولنگ ہے، جس نے ثنا میر کے 2010ء میں نیدرلینڈز کے خلاف 5/32 کے ریکارڈ کو پیچھے چھوڑ دیا۔
Nashra Sundhu reaches the milestone of 1️⃣0️⃣0️⃣ ODI wickets with an absolute ripper 👏
📺 Watch Live ➡️ https://t.co/HTwBrsN30B#PAKWvSAW | #BackOurGirls pic.twitter.com/wtedPBnA6g
— Pakistan Cricket (@TheRealPCB) September 22, 2025
پاکستان کی طرف سے بہترین بولنگ کا ریکارڈ تاحال سجیدہ شاہ کے پاس ہے جنہوں نے 2003ء میں جاپان کے خلاف صرف 4 رنز پر 7 کھلاڑیوں کو پویلین کی راہ دکھائی تھی۔
نشرہ سندھو نے ویمنز ون ڈے کرکٹ میں 100 وکٹیں مکمل کرنے والی تیسری پاکستانی بولر ہونے کا اعزاز بھی حاصل کر لیا، اس سے قبل یہ سنگ میل ثنا میر اور ندا ڈار عبور کر چکی ہیں۔
قذافی اسٹیڈیم لاہور میں کھیلے گئے میچ میں پاکستان ٹیم نے 116رنز کا ہدف 4 وکٹوں کے نقصان پر پورا کرتے ہوئے میچ 6 وکٹوں سے جیت لیا، البتہ جنوبی افریقی ویمنز نے 3 ون ڈے میچز کی سیریز 1-2 سے اپنے نام کی۔
شاندار بولنگ کرنے پر پاکستان کی نشرہ سندھو کو پلیئر آف دی میچ کا ایوارڈ دیا گیا، جس کے بعد نشرہ نے انگلیوں کے اشارے سے 6 کا نشان بنایا۔
ان کا یہ وننگ مومنٹ سوشل میڈیا پر وائرل ہوگیا، جس نے شائقین کی توجہ اپنی جانب مبذول کر لی، صارفین معرکہ حق میں پاک فضائیہ کی جرات مندانہ کارروائی میں بھارتی رافیل طیارے گرانے کے 0-6 کے اسکور سے تشبیہ دے رہے ہیں اور بھارت پر طنزیہ کمنٹس کر رہے ہیں۔
Some brainless Indians were defending Sidra Ameen's 6 gesture 2 days ago…. now Nashra Sandhu did the same….
I hope our women team give them hell of a reply in upcoming months the way Abhishek & Sky did. https://t.co/MqJPD0V60d pic.twitter.com/JvlGpcDCLU
— Rajiv (@Rajiv1841) September 22, 2025
Another one for India 😂
🌟 Player of the Match🌟
💫 Nashra Sundhu takes award & cash prize for her ODI's career-best 6/26 🔥#PAKWvSAW | #BackOurGirls pic.twitter.com/57M72ptsWg
— Subhan Ahmed Najmi (@NajmiFactor) September 22, 2025
Don’t cry Indians، She has taken out six players. Trust me not teasing u. Nashra Sundhu takes her ODI's career-best 6/26. Well Done @nashra_sundhu06 #PAKWvSAW #BackOurGirls #karachi #PakistanCricket #PakVsInd #Pakistan #lahore #INDvsPAK #AsiaCup2025 #AsiaCupT20 #AsiaCup pic.twitter.com/FJoAN3RUOq
— sufyan Khan (@suffyyan) September 22, 2025
اس سے قبل دوسرے ون ڈے میں پاکستانی اوپنر سدرہ امین نے اپنی چھٹی سنچری کے بعد بھی یہی اشارہ کیا تھا، جس پر بھارتی سوشل میڈیا صارفین نے شور مچایا تھا کہ پاکستانی کھلاڑی کھیل میں سیاست لارہی ہیں۔
